قلت الوداع وجاوبت دمعة العين

قلت الوداع وجاوبت دمعة العين

تجرح بساتين الخدود النديه

واغضت وشفت بعينها الحزن حزنين

وصاحت على الفرقا انا مو قويه

وجاوبتها ارجوك تكفين تكفين

والله دمعك يشعل النار فيه

وقالت تعاهدني عهاد المحبين

الله يخون الي يخون بخويه

قلت ابشري والي اخلقك لاتظنين

حرام ماغيرك عشقت ادميه

وقصت شعرها قلت انا وش تسوين ...؟

قالت ابي من غرتي لك هديه

ونادتني الغربه على الهم والبين

احس بليام روحه وجيه

وفي كل ليله ترتسم بين رمشين

خيالها بين الرموش الشقيه

غربة سنه في ذمتي غربة اسنين

متى على الله يلتقي الحي حيه

خلاص هانت مابقى غير يومين

خلاص قفت غربتن جرهديه

رجعت شوقي في خفوقي براكين

رجعت انا كلي لها جاذبيه

وسئلت ماردو وانا اصيح هي وين ...؟

كلن نثر من داخل العين ميه

في معمعت حزني تلقيت رمحين

قالو توفت غافلتها المنيه

في غرغرتها ماذكرت غير حرفين

تشهدة بسمك اشفات البنيه

وتزاحمة في داخلي الف سكين

والحزن يطويني ثمانين طيه

صدمه وجابتني على الأرض نصفين

وشلون راحت دون ذنب اوخطيه ...؟

تكفون دلوني على القبر هالحين

ماعاد فيني لصبر مقدريه

وقفت اطالع قبرها بين نصفين

جلست اظم اغلى المصايب عليه

وصيح وشبك يا غلى ماتردين ...؟

اشتقت همس اشفاهك النرجسيه

اشفيك جيت من السفر ماتهلين ...؟

ماهي بلك عاده ولانتي رديه

وحاولت في لحظة اجنون اجرح الدين

وزيح اتراب القبر عن جسمها بيديه

وبالغصب شالوني حشى تقل مسكين

واصرخ بهم والله والله حيه

اقفت وتاهت بي جميع العناوين

والحزن يلعب داخلي سامريه

ورجعت لدروب الشقى قبل عامين

مدري من الي صار فينا ضحيه

مشكورة ع المرور

مشكور يامدير اللغة

ربي يعافيك

مشكور اخوي عمدة الثاني ع المرور

تسلمين كلي دوق ع المرور

شاعر باحساس ومشاعر مرورك اروع
خيي