أعز أحباب
غريبه هذي الدنيا .. من أولها لآخرها
*****************
*(البارت الاول)*
فتح باب البيت وهو ماسكني من شعرري ويسحبني على الارض مثلي مثل الحيوان الي بيذبحونه
كنت اصررخ بكل صووتي واحاوول ابعد يده عني بس بدون فايده
صرررخ علي بعصبيه : ادخلي ياااحقيره ياعديمه التربيه انا الغلطان الي مخليك تمشين على حل شعرك
لاحسيب ولا رقيب
رديت عليه من بين دموووعي : يبه حرااام عليك والله ماسوويت شي والله انت فاهم خطاء
رد علي والشرار يطلع من عيوونه : بس ولا كلمه لااسمع صووتك في هالبيت ناويه تفضحيننا انتي
كنت اشوفها واقفه عند باب المطبخ ونظراتها مليانه شماته
قالتله بصووت ممزوج بأستهزاء : هذي بنتك الي فرحاان فيها وفي تربيتها بس ماتنلام تربيه امها الـ... تربيه شووووراع (وشددت على الكلمه )
انا هنا ماقدرت اصبر ابعدت يد بابا الي كانت ماسكه شعري وركضت لها
قلتلها بصووت اشبه لصرراخ : انا ترربيه شووارع شوفي نفسك وشوفي تربيتك قبل لاتتكلمين عن الناس
وماحسيت بنفسي الا على الارض وابوي فوقي يضرربني بالعقال
كنت احس بالمووت مو من ضرب ابوي كنت احس بالمووت لاني اسمع ضحكاتها وشماتتها الي مالي ارجاء البيت
بصعووبه قدرت اخلص نفسي من يدين ابوووي وركضت بسرررعه لغرفتي
دخلت غرفتي وقفلت الباب اكثر من مرره
تسندت على الباب وصححت بمراره صحت من الظلم صحت من العذابي الي انا فيه
" ااااه يايمه ليه تركتيني بالدنيا ورحتي ليه تركتيني بيدين ابوي وزوجته الي مايرحموون
ليتك خذيتيني معك ولا خليتيني بهالدنيا برووحي ولا خليتيني اتعذب بهالدني "
صحت بحراره اكثر لما تذكرت كيف كان يضربني ابووي وانا مظلومه كيف كان يضربني لانه بس فهم السالفه على كيفه
مررت على بالي السالفه
كنت واقفه في الشارع عند باب المدرسه والشارع كان فاضي مافي احد لان ابوي كالعاده يتأخر علي كثييير
وقفت قداامي سياره سودا وفيها ثلاث شباب
الشاب الاول : وش فيه الحلو واقف لوحده هنا
صديت الجهه الثانيه ولا رديت عليهم
الشاب الاول : اقوول اذا ماعندك احدي يوصلك ترا حنا بالخدمه نوصلك " وضحك ضحكه تخووف "
الشاب الثاني : الله الحلو مسووي نفسهثقيل ترا ماتمشي علينا هالحركاات
صديت الجهه الثانيه وكنت بمشي بس وقفت يوم حسيت بيده مسكتني من ذراعي
الشاب الاول : على وين الحلو مااشي للحين ماخلصنا كلام
رديت عليه بعصبيه :ابعد يددددك عني ياحقير
الشاب الاول : اووووه حقييير وش دعووه وش سويت لك
قلتله وانا معصبه وخايفه بنفس الوقت : اقووولك ابعد يدك عني ماتسمع انت ابعد عني ترا والله مابيصير لك طيب
شد قبضته على ذررراعي وسحبني له وعلى وجهه ابتسامه : وش بتسووين يعني
ماقدرت اتحمل التفتت لجهته وعطيته كف حسيت بصووت الكف بوسط اذني .. شفت نظراته متفاجئه ومستغربه بنفس الووقت
ماحسيت بنفسي الا وانا لاصقه لجدار ويده مطووقه رقبتي
قالي بصوت كله عصبيه وهو مسكر على اسنانه :من انتي عشااان تمديني يدك علي ياحيوووانه
ماقدرت اتحمل واخذت دمووعي مجراها على خدي مع اني لابسه غطاء على وجهي بس من شهقاتي وصوتي باين اني ابكي
قالي بعصبيه وهو يهزني : ردي علي انتي قد الي الكف الي عطيتيني اياه
مع اني مييته خوووف بس مدري وش الي خلاني اقوول بصووت قووي : ايــــــــه قدده ونص واعلى مافي خيلك اركبه " ابعدت يده عني "
حسيت جن جنووونه حسيت بشرار يطلع من عيونه " مسكني مرا ثانيه وثبتني على الجداار وبيده الثانيه فتح الغطاء من على وجهي"
وقالي : اعلى مافي خيلي اركبه .. اوريـ...
ماحسيت الا بشخص يسحبني من ايدي بقووه
فتحت عيووني وشفت ابوي ماسكني من ايدي ويسحبني لسياره "التفتت لوراء شفت الشاب طايح على الارض "
الشاب بصووت عالي عشان يسمعني : هيييين ان مارويتك والله ماكون معاذ ان ماخليتك تحبين رجلي عشان استر عليك
صحاني من الي انا فيه صوت دق خفيف على الباب
قلت بصوت قصير وخايف : ميين ؟!
رهف ردت علي بصوت اقرب للهمس : فررح افتحي الباب انا رهف
على طول مسحت دموعي وقمت فتحت الباب
رهف نزلت الصينيه فيها غداء : بسرعه دخليه داخل
قلتلها بصوت مبحوح من كثر البكي : وشو هذا
رهف : وش تشوفين فرح دخليه بسرعه قبل يجي احد ترا والله بيذبحوني ابوي حالف انك ماتاكلين ش
قلتلها وعيوني بدت تمتلي دمووع : رهف ليه يسوون فيني كذا والله ماسويت شي حرام عليهم
ردت علي : فرح مو وقته خوذي الاكل ودخليه داخل ترا محد يدري اني جبتلك اكل والله لو يدرون بتقوم قيامتي .. انا ادرري انك جوعانه عشان كذا
جبت لك الاكل
قلتلها : رهف مشكووووره انا مدري بدونك وش بسووي
رهف : فررح هذا مو وقته يلا بروح اللحين بيفقدوني
اخذت الصينيه ودخلتها داخل الغرفه حطيت الصينيه على الطاوله وجلست ابكي
"ليه يسوون فيني كذا انا وش ذنبي انا ماالي ذنب بكل الي يصير "رفعت راسي فووق" ياارب انت اعلم بحاالي يارب مالي غيرك ادعيه اذا احتجت عوون
يارب انا مالي سند بهالدنيا يارب توفقني بالدنيا والاخره "
غفيت
على الارض
وماحسيت بعمري الا يوم انفتح الباب بقوووه
فززيت على طوول يوم شفت سلمى واقفه قريب مني
سلمى بعصبيه وهي تاشر على الصينيه : من وين جبتي هذا
ماعرفت وش اقول مابي اقول الصدق واورط رهف مسكينه مالها ذنب مع اني اعرف لو قلت مستحيل تسوي فيها شي لانها بنتها بس
يمكن تحرمها من شوفتي وانا مابي هذا الشي عشان كذا التزمت الصمت
نزلت ومسكتني من شعري
صرخت من الوجع
سلمى : انا اقوووولك من وووين لك هذا
ماتكلمت :...
سلمى وهي تهزني : ردي علي انطقي من الي جابلك هذا
رديت عليها بصوت عالي : انا انا .. انا الي جبته لنفسي انا تسحبت للمطبخ واخته
رمتني على الارض ورفستني من بطني بقوووه : حقيييييره .. قوومي اشووف قدامي على المطبخ نضفيه ونضفي البيت بيجوون ضيوووف في اليل
قمت بصعوبه وكنت اتألم مكان مارفستني سلمى .. قمت ونضفت المطبخ والبيت كله ورجعت لغرفتي وحطيت راسي ونمت على طووول من التعب والم
يلا قولو لي وش توقعاتكم معني ادري ماراح تبين التوقعات من اول بارررت
الخميس 12 سبتمبر - 22:20 من طرف مجد111
